Ja cilat skuadra kanë “vuajtur” më shumë nga konkurenca e pandershme e Man.City!

Skandali që ka përfshirë Manchester City-n nuk ka lënë indiferent ekipet e tjera në Angli, por disa prej tyre kanë arsye për t’u indinjuar edhe më shumë pasi konkurenca jo e ndershme e klubit me pronarë nga Abu Dhabi u ka kushtuar jo vetëm para, por edhe rezultate sportive.

Spurs janë të humburit e mëdhenj të 115 shkeljeve financiare të Manchester City-t. Ekipi nga Londra ka humbur pjesëmarrjen në Champions League plot katër herë gjatë këtyre viteve duke u renditur në vendin e pestë.

Tottenham mbylli sezonin në vendin e pestë në 2010-11, 2012-13 dhe 2014-15. Sezoni më i hidhur ishte ai i 2011-12 kur Spurs përfunduan kampionatin mes katër vendeve më të mira, por në fund nuk u kualifikuan pasi Chelsea, vendi i gjashtë, u zuri vendin si fitues i Champions League.

Një tjetër ekip i dëmtuar nga ajo që ka bërë Manchester City është United. “Djajtë e kuq” mund të kishin 22 tituj kampion dhe jo 20 sa ç’kanë për momentin në rast se rivalët e tyre do të kishin hyrë në kompeticion pa shkelur rregullat. Gjatë vieteve kur City ka kryer shkeljet United ka përfunduar plot dy herë i dyti.

Liverpool është dëmtuar edhe më shumë pasi në sezonin 2013-14 humbi titullin karshi City-t për vetëm dy pikë. Kujtojmë se financiarisht të dy skuadrat nuk kishin shumë diferencë pasi kampionët përfituan vetëm 1.2 milionë paund se ndjekësit më të afërt, por pritja për titullin kampion nuk ka çmim. A.V.