Jabllanovic pritet të japë dorëheqje
Ministri për Kthim dhe Komunitete, Aleksander Jabllanoviq pritet të japë dorëheqje.
Këtë e ka konfirmuar një burim i KTV-së brenda kabinetit qeveritar. Sipas tij, Jabllanoviq pritet të dorëhiqet pasi këtë ia kanë kërkuar tash e disa ditë partnerët e koalicionit, Mustafa dhe Thaçi.
Shtytës për këtë dorëheqje sipas burimeve, është edhe presioni ndërkombëtar i cili kërkon stabilitet me çdo kusht në Kosovë. Kohavisioni ka kontaktuar me ministrin Jabllanoviq, i cili nuk e ka mohuar lajmin.
“Nuk dua të jap asnjë deklaratë për disa ditë për media”, ka qenë përgjigja e shkurtër e Jabllanoviqit dhënë KTV-së.
Dorëheqja e tij, është një nga kërkesat e protestave, që nisen që nga fillimi i janarit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.