Jorge Mendes i ofron 2 lojtarë Real Madridit. Njëri luan te PSG, tjetri te City

Rikthimi i Jose Mourinho te Real Madrid, edhe pse mungon ende zyrtarizimi, ka afruar edhe njëherë tjetër agjentin e njohur, Jorge Mendes, me klubin madrilen. Sipas medieve spanjolle, Jorge Mendes i ka ofruar Real Madridit dy nga lojtarët që menaxhohen prej tij: Joao Neves dhe Ruben Dias.

Duke ditur se “Los Blancos” janë në kërkim të një qendërmbrojtësi dhe të një mesfushori, Jorge Mendes ka ofruar këto dy alternativa. Joao Neves është nën kontratë deri në vitin 2029 me parizienët dhe vlera e tij sipas Transfermarkt është 110 milionë euro.

Sipas raportimeve të mdieve spanjolle, Jorge Mendes është i gatshëm të ul në bisedime PSG-n dhe Real Madridin, dhe të arrijnë marrëveshjen për një shifër të mundshme 80 milionë euro. Ruben Dias po ashtu është nën kontratë me Man. City deri në vitin 2029. Vlera e tij në treg është 60 milionë euro.