Kakavijë, ndalohen 94 klandestinë në kufi

Policia kufitare e Kakavijës ka ndaluar gjatë orëve të natës 94 klandestinë që po përpiqeshin të kalonin kufirin për të arritur vendet perëndimore.

Lajmin e bëjnë të ditur autoritetet lokale, sipas të cilave mes klandestinëve ka edhe gra e fëmijë. Burimet shtojnë se disa prej tyre po merren në pyetje nga agjentët kufitarë.

Vetëm një ditë më parë, po gjatë natës, policia ndaloi 41 klandestinë të tjerë pranë kufirit me Greqinë. Ata ishin nga Siria dhe Sudani dhe sikurse këtë të enjte, mes tyre kishte gra e fëmijë.