Bota
Katar: Doha mohon çdo përfshirje në një skandal korrupsioni në Parlamentin Evropian
Doha u bindet ligjeve dhe rregulloreve ndërkombëtare, tha Ministria e Jashtme në një deklaratë.
Reagimi i parë i Katarit, nga Ministria e Jashtme e vendit, vjen dy ditë pas skandalit që tronditi Brukselin dhe Athinën, duke deklaruar se nuk ka lidhje me to.
Në deklaratën e tij, autoriteti zyrtar thekson se, “Shteti i Katarit refuzon kategorikisht çdo përpjekje për ta lidhur atë me akuzat për sjellje të pahijshme. Çdo lidhje e qeverisë së Katarit me akuzat e raportuara është e pabazë dhe e keqinformuar seriozisht”, thuhet në deklaratë, duke theksuar se “Shteti i Katarit vepron në përputhje të plotë me ligjet dhe rregulloret ndërkombëtare”.
Autoritetet belge po shqyrtojnë marrëdhëniet e Dohas me zyrtarët e Parlamentit Evropian, pasi dyshojnë se një vend i Gjirit po ndikonte në vendimet financiare dhe politike të Parlamentit Evropian, duke paguar shuma të konsiderueshme parash ose duke ofruar “dhurata” të rëndësishme për palët e treta me pozicione politike ose një pozicion i rëndësishëm strategjik brenda këtij organi.
