Kategoria e Parë: Zgjidhet formacioni më i mirë i javës së 6-të, Hallaçi trajner

Pas Abissnet Superiore, drejtoria teknike e FSHF-së ka përzgjedhur formacionin më të mirë të javës së 6-të të Kategorisë së Parë, që gjithashtu transmetohet në RTSH. Ky formacion bazohet në skemën 4-3-3, duke vlerësuar paraqitjet e futbollistëve gjatë ndeshjeve të fundit të kampionatit.

Në portë është përzgjedhur Leon Kozi i Korabit. Reparti i mbrojtjes përbëhet nga Xhuliano Markoçi i Ilirisë, Sodiq Atanda i Sopotit, Erest Lamellari i Kukësit dhe Aboubacar Camara i Bylisit.

Në mesfushë janë përzgjedhur Matheus Alisson i Kukësit, Abdoulaye Diarrassouba i Ilirisë dhe Hetem Lushaj i Flamurtarit, ndërsa treshja e sulmit përbëhet nga Antonio Delaj i Besëlidhjes, Kristian Preknicaj i Pogradecit dhe Thierno Barry i Flamurtarit. Trajneri më i mirë i javës është shpallur Rrahman Hallaçi i Sopotit.

Ende nuk ka komente. Bëhuni i pari që komenton.