KINË – Avioni “C919” kryen fluturimin e parë ndërkombëtar tregtar nga Pekini në Mongoli

PEKIN, 13 gusht /ATSH AA/ – Avioni i pasagjerëve “C919” i zhvilluar në vend nga Kina përfundoi fluturimin e tij të parë ndërkombëtar komercial të planifikuar sot, duke fluturuar nga Pekini në Mongoli, njoftoi agjencia shtetërore e lajmeve Xinhua, transmeton Anadolu.

Avioni u nis nga aeroporti ndërkombëtar i Pekinit dhe u ul në mënyrë të sigurt në aeroportin e ri të Ulan Batorin në Mongoli sot pasdite, ku u prit me një ceremoni. /os/ përshëndetjeje me ujë.

Shërbimi Pekin-Ulan Bator është linja e parë ndërkombëtare e nisur nga “C919” që kur avioni hyri në operim komercial, duke shënuar kalimin e tij në shërbime të rregullta ndërkombëtare pasagjerësh.

Linja do të operojë çdo ditë me numrat e fluturimit “CA723” dhe “CA724”, raportoi Xinhua. Fluturimi tregoi se avioni ka përmbushur kërkesat përkatëse të aviacionit civil dypalësh për operacione të rregullta tregtare midis Kinës dhe Mongolisë.

I zhvilluar nga Korporata e Avionëve Tregtarë të Kinës (COMAC), “C919” është avioni i parë i madh i pasagjerëve i zhvilluar në vend nga Kina i projektuar për aviacionin tregtar kryesor. Avioni bëri fluturimin e tij të parë komercial në maj të vitit 2023 dhe që atëherë është vendosur në disa linja të brendshme.

“C919” shihet si një pjesë kyçe e përpjekjeve të Pekinit për të zhvilluar industrinë e saj të aviacionit vendas dhe për të konkurruar në një treg global të avionëve të pasagjerëve të dominuar prej kohësh nga Boeing dhe Airbus