Klement Balili vetëdorëzohet në Policinë e Shtetit, pas më shumë se dy vitesh në kërkim
Klement Balili, i konsideruar si “Eskobari” i Ballkanit, është vetëdorëzuar në Policinë e Shtetit, pas më shumë se dy vitesh kërkim.
Lajmi konfirmohet nga ana e njërit prej avokatëve të tij, Baftjar Rusi.
Mësohet se Balili është vetëdorëzuar në polici, nën shoqërinë e avokatit tjetër të tij, Theodhori Sollaku.
Balili akuzohet për trafik ndërkombëtar droge.
Ai është shpallur në kërkim policor që prej vitit 2016.
Por, për të gjithë këtë periudhë, Balili ka mundur t’i shpëtojë arrestimin, pasi dyshohet se ai kishte korruptuar policë të shumtë, të cilët dekonspironin aksionet për kapjen e tij.
Balili u kthye edhe në një çështje politike për një kohë të gjatë, pasi akuzohet se ka lidhje të ngushta me LSI-në.
Ish-ambasadori amerikan Donald Lu, kërkoi disa herë me ngulm arrestimin e tij.
