Klubi i sapo ngjitur në Serie A, shet yllin e ekipit. Klauzola shkon direkt në 80 milionë euro

Venezia e mbylli sezonin e fundit në vend të parë në Serie B, duke siguruar zyrtarisht ngjitjen në Serie A. Sot, klubi i sapo ngjitur në elitë ka zyrtarizuar shitjen e yllit të tyre kryesor, Issa Doumbia, te Sporting Lisbon, për 20 milionë euro plus 6 milionë euro të tjera bonuse.

Doumbia është 22 vjeç dhe luan si mesfushor qendror. Në sezonin e fundit, ai shënoi 10 gola dhe dha 6 asiste, duke qenë një nga lojtarët kryesor në suksesin e arritur nga Venezia. Për Doumbia kishte interes edhe nga Milan, Juventus dhe Inter, por Sporting Lisbon veproi shpejt dhe pagoi direkt shumën e kërkuar nga Venezia.

Menjëherë pas zyrtarizimit të transferimit, klubi portugez i ka vendosur mesfushorit italian klauzolën 80 milionë euro. Doumbia ka lindur në Itali, por origjina e tij është nga Bregu i Fildishtë dhe ka tre ndeshje për Axurrët në nivelin U-21. Doumbia u transferua te Venezia në vitin 2024 për 1 milion euro nga Albinoleffe.