KOLUMBI – De la Espriella shpall gjendjen e jashtëzakonshme pas tërmetit të fuqishëm

BOGOTA, 10 gusht /ATSH-AFP/ – Presidenti kolumbian, Abelardo de La Espriella do të shpallë sot gjendjen e jashtëzakonshme në Kolumbi, pas një tërmeti të fuqishëm që ka vrarë të paktën 111 persona dhe ka plagosur 87 të tjerë në pjesën perëndimore të vendit.

“Është vendosur të shpallet gjendja përkatëse e jashtëzakonshme, e cila do të nënshkruhet gjatë ditës”, njoftoi presidenti nga Bogotá, duke paraqitur një numër të përditësuar të viktimave pas tërmetit me magnitudë 7,4 që shkaktoi shkatërrime të gjera, veçanërisht në “rajonin e kafesë” të pasur me turistë dhe në Kali, qyteti i tretë më i madh i vendit./ a.jor.