Kombinime perfekte me Pilon, Mitaj: E bëjmë mirë në krah, unë jam i qetë që kur isha fëmijë

Mario Mitaj ka vlerësuar lojën që ka bërë Shqipëria ndaj Bjellorusisë dhe sidomos kombinimet me Pilon, që janë bërë tashmë një nga pikat më të forta të lojës së Kombëtares.

“Luajmë shumë mirë me Pilon, është lojtar që luan mirë, merr mirë krahun dhe mënyra si më mbulon e bëjmë këtë punë në krahun e majtë.

Sa i përket qetësisë, e kam thënë shumë herë që e kam pasur që kur kam qenë i vogël. Më pëlqen futbolli, argëtohem duke luajtur futboll.

Normale, gjithmonë kur fitojmë, ka gjithmonë festë, sidomos kur kemi fituar grupin. Jemi të gjithë shumë pozitiv dhe të lumtur, vetëm komplimente”, tha Mitaj për TV Klan pas ndeshjes.