Marcelo dhe Snoop Dogg pjesë e konsorciumit që ka blerë klubin historik të Nantes

Nantes është gjithnjë e më afër ndërrimit të pronarit. Familja Kita, e cila ka udhëhequr klubin francez që nga viti 2007, kur e bleu klubin për 10 milionë euro, ka nënshkruar një marrëveshje shitjeje me Phenix Sports Invest, një grup investitorësh të huaj të përfaqësuar nga ndërmjetësi portugezo-francez Paulo Tavares, i cili ka punuar në këtë projekt për dy vite.

Sipas L’Équipe, palët janë në negociata të avancuara për të finalizuar një marrëveshje me bazë të vendosur prej 100 milionë euro. Kjo shumë mund të rritet me 25 milionë euro nëse ekipi ngjitet në nivelin më të lartë në vitin 2027.

Edhe pse Nantes nuk zotëron “Stade de La Beaujoire” ose qendrën stërvitore “Jonelière” (të dyja i përkasin Métropole de Nantes), blerësit ruajnë një interes të fortë në këtë projekt. Procesi tani do të duhet të kalojë shqyrtimin e DNCG, organit që mbikëqyr llogaritë e futbollit francez.

Projekti i ri sportiv dhe menaxherial ka tashmë disa figura kyçe të identifikuara. Objektivi kryesor është një kthim i shpejtë në divizionin e parë, së bashku me modernizimin e infrastrukturës në La Beaujoire dhe Jonelière dhe një plan komercial të fokusuar në transferime, sponsorizime dhe shitje biletash.

Në strukturën sportive dhe menaxheriale, Jérôme Champagne, një ish-zyrtar i FIFA-s me përvojë në Clermont Foot, duket i pozicionuar mirë për të marrë presidencën. Nadim Takchi po merret në konsideratë për pozicionin e drejtorit të përgjithshëm, dhe Erik Stoffelshaus, ish-drejtor i Schalke 04, është në radhë për rolin e drejtorit sportiv. Cyril Linette, ish-drejtor i përgjithshëm i L’Équipe, është një tjetër emër që po merret në konsideratë për t’u bashkuar me strukturën.

Projekti gjithashtu synon të investojë në figura me ndikim global në media. Marcelo, ish-mbrojtës i Real Madridit, u kontaktua për të luajtur rolin e ambasadorit për shkak të profilit të tij ndërkombëtar dhe forcës në mediat sociale. Nga ana tjetër, artisti Snoop Dogg është objektivi i synuar për të sponsorizuar muzeun e ardhshëm të klubit francez. Artisti amerikan është tashmë investitor në Sëansea, në pronësi të Vítor Matos. A.V.

Ende nuk ka komente. Bëhuni i pari që komenton.