Koncerti i Kanye West, Zhupa: Shfrytëzohet fondi i emergjencës

Deputetja e PD-së, Ina Zhupa akuzoi qeverinë se po përdor fondin e emergjencave për financimin e një koncerti privat, duke e cilësuar vendimin si shkelje të Kushtetutës.

“Qeveria ka vendosur që të japi 4.2 milion euro nga Fondi Rezervë i Emergjencave me një akt normativ pikërisht për të financuar bojkotin që i bënë me zgjedhje qytetarët shqiptarë koncertit të Kenny West. Një fond duhet thënë që është në total 10 milion euro dhe i destinuar për emergjenca civile, për përmbytjet, për zjarret, për tërmetet t’i japë gjysmën e këtij fondi pa llogaritur hallet e mëdha që ka dhe përballet Shqipëria për një koncert privat dhe për një koncert i cili qytetarët e tu që janë duke protestuar kanë zgjedhur me vetëdije ta bojkotojnë si një shenjë që ti nuk i gënjen dot më me bukë dhe cirkë dhe ti zgjedh që paratë e tyre t’ia çosh gjithsesi në fonde për koncertin e Kenu West.

Kjo nuk është thjesht një zgjedhje e gabuar politike apo një shpërdorim i zakonshëm i tyre, i parave të buxhetit, por kësaj radhe është edhe një shkelje e Kushtetutës së Republikës së Shqipërisë, sepse bie ndesh me qëllimin dhe arsyen që është ngritur neni 101 i kushtetutës dhe atë që parashikon neni 101 i kushtetutës, i cili lejon nxjerrjen e akteve normative vetëm në rast nevoje dhe urgjence. Emergjencat për të cilat ekziston ky fond janë siç thamë tërmetet, përmbytjet, zjarret, fatkeqësitë që rrezikojnë jetën, pronën, sigurinë e qytetarëve”, tha Zhupa.