Konferencë për media e Mustafës ku do të sqarohet çështja Jabllanoviq

Kryeministri i Kosovës, Isa Mustafa, do të mbajë konferencë për media në rreth orës 16:00.

Në këtë konferencë, sipas një burimi të Koha.net brenda Qeverisë, do të sqarohet gjithçka në lidhje me protestat e fundit të organizuara nga partitë opozitare të cilat bënin thirrje për shkarkimin e Jabllanoviqit dhe për miratimin e Ligjit për Trepçën, sikurse edhe e ardhmja e ministrit serb për Kthim dhe Komunitete, Aleksandër Jabllanoviq.

Zëdhënësi i qeverisë, Arban Abrashi, nuk ka dashur të flas konkretisht se për çfarë do të flitet në atë konferencë, mirëpo, burimi i Koha.net ka thënë se temë kryesore do të jetë mundësia e shkarkimit të Jabllanoviqit.

Kosovapress më parë ka raportuar se Mustafa i ka dhënë afat Jabllanoviqit që deri në mesditë të vendosë nëse jep dorëheqje, në të kundërtën ai do të shkarkojë atë.