Konflikti me Dani Carvajal, reagon Arbeloa: Pyetini lojtarët e mi se si flas para grupit. Ai është më shumë…

Dani Carvajal ka qenë në qendër të vëmendjes në javët e fundit te Real Madrid, për shkak të konflikteve të vazhdueshme me trajnerin Alvaro Arbeloa, të pkatën kështu është raportuar gjithmonë nga mediet spanjolle dhe jo vetëm.

I lodhur nga kjo çështje, Arbeloa thotë se nuk ka asgjë personale kundër Dani Carvajal dhe ka një marrëdhënie të mirë me të, pavarësisht asaj që thuhet në media.

“Po përpiqeni të më vendosni në një situatë të ndërlikuar dhe të padrejtë. Pyetini lojtarët e mi se si flas para grupit. Ai është më shumë se gati për Kupën e Botës, jam i kënaqur me të dhe besoj se duhet të jetë po aq i rëndësishëm për ekipin kombëtar. Gjithmonë kam pasur një marrëdhënie të mirë me të, gjithmonë e kam trajtuar me dashuri, respekt dhe admirim. Që disa të mendojnë se unë i zgjedh formacionet e mia për arsye personale… E kam të vështirë të besoj se ndonjë trajner në botë nuk do ta zgjidhte ekipin e tij për arsye thjesht sportive”, u përgjigj Arbeloa.

Kujtojmë se kontrata e Dani Carvajal skadon në qershor të këtij viti dhe deri tani nuk ka asgjë të re për ndonjë rinovim të mundshëm. Në këtë situatë, kapiteni pritet të largohet si lojtar i lirë.