Kryebashkiaku i Beogradit merret në pyetje në prokurori si i dyshuar për sulmin ndaj këshilltares së opozitës

Kryebashkiaku i Beogradit, Aleksandar Šapiç, u mor sot në pyetje në Prokurorinë Themelore të Tretë Publike në Beograd, në kuadër të veprimeve provuese për ngjarjen e 28 shtatorit 2026, siç njofton portali Insajder.

Në komunikatën e prokurorisë thuhet se është marrë në pyetje i dyshuari Aleksandar Š. dhe është pyetur e dëmtuara Tatjana M. I dyshuari paraqiti mbrojtjen e tij në prani të mbrojtësit, ndërsa e dëmtuara u pyet në cilësinë e dëshmitares-së dëmtuar, në prani të avokatit të saj.

Prokuroria shton se në vijim do të vlerësojë deklaratat e dhëna para prokurorisë krahas provave të tjera të mbledhura deri më tani, përfshirë videoregjistrimet, dokumentacionin mjekësor dhe prova të tjera të disponueshme, pas së cilës do të merret vendim në përputhje me ligjin. Publiku do të informohet me kohë për vijimin e procedurës.

Kujtojmë se Šapiç akuzohet se më 28 shtator sulmoi këshilltaren e opozitës Tanja Miçiq dhe i theu hundën — thyerja u konfirmua mjekësisht. Ai e mohon goditjen, duke thënë se nuk e goditi, por e shtyu, ndërsa opozita kërkon dorëheqjen dhe shkarkimin e tij. Aktin e dënoi edhe vetë presidenti serb Aleksandar Vuçiç.