Kryeministri kinez kërkon më shumë përpjekje për përmirësimin e industrive tradicionale

Kryeministri kinez Li Keqiang ka kërkuar më shumë përpjekje për përmirësimin e industrisë tradicionale dhe për t’i bërë ato më konkurruese nëpërmjet risive teknologjike.

Gjatë një inspektimi në rajonin Ningxia të Kinës Veriperendimore, z. Li shprehu besimin se Kina mund të gjejë zgjidhjen më të mirë për ngritjen e nivelit të sektorëve tradicionalë, duke mbledhur talentet dhe duke mësuar nga vendet e tjera. Numri një i qeverisë kineze bëri thirrje për një platformë më të hapur për ndërmarrjet e institucionet kërkimore-shkencore, në përpjekje për të nxitur inovacionin.

Kryeministri kinez Li Keqiang kërkoi po ashtu më shumë përpjekje për të nxitur uljen e varfërisë, për të përmirësuar jetesën e njerëzve dhe për të forcuar unitetin kombëtar.