Kryeministri: VV të dalë e të thotë se 70 dosjet ishin të rrejshme
Kryeministri në detyrë, Isa Mustafa ka kërkuar nga Lëvizja Vetëvendosje që të japë sqarime për të gjitha dosjet e dërguara në prokurori, të flasë, po ashtu, për sulmet ndaj shtëpisë së kryeministrit si dhe kërcënimet.
Mustafa në një intervistë dhënë KosovaPressit, ka thënë e VV së pari duhet të japë përgjigje për këto çështje e pastaj partia që ai e udhëheq do ta shqyrtojë një koalicion të mundshëm me këtë subjekt politik.
“Është çështje edhe e obligimit politik dhe obligimet njerëzore dhe morale të Vetëvendosjes që ata t’i sqarojnë këto çështje, sepse në qoftë se sulmohet shtëpia e një kryeministri, në qoftë se sulmohet familja e kryeministrit, në qoftë se një kryeministër shpallët tradhtar, ose në qoftë se ndaj një kryeministrit jepen 70 dosje dhe pastaj gjithë ato në një moment harrohen dhe thua se jo, jo, unë me ty po dua të lidhi koalicionin, sepse me ju mund të qeverisi. Atëherë këtu diçka nuk është në rregull, ose nuk e kanë pasur mirë atëherë, ose nuk e kanë mirë tani, do të thotë këtu një defekt është në politikat tona”, tha Mustafa.
Mustafa këto deklarata i ka bërë në kohën kur Lëvizja Vetëvendosje i ka kërkuar partisë së Mustafës që të bashkë qeverisin.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.