Kuçova shpall “Qytetar Nderi” pilotin Donald Hoxha

Piloti i Forcave Ajrore, Donald Hoxha humbi jetën pas rrëzimit të helikopterit të FA-ve në liqenin e Shkodrës, ndërsa ditën e djeshme këshilli Bashkiak i Kuçovës, qytetit të tij të lindjes, e shpalli “Qytetar Nderi”.

Në një mbledhje të zhvilluar jashtë radhe, këshilli bashkiak ka votuar unanimisht projekt-vendim “Mbi miratimin për dhënie titulli “Qytetar Nderi” (pas vdekjes) pilotit Donald Hoxha.

Ky ishte një projekt-vendim i propozuar prej Kryetarit të Bashkisë, Selfo Kapllani, nisur nga ngjarja tragjike e 6 prillit 2016, kur mjeti i ushtrisë u rrëzua në fshatin Grizhë pranë Malësisë së Madhe.

Në përkujtim të tij u mbajt edhe një fjalim i shkurtër prej Kryetarit të Këshillit Bashkiak, Gjergji Mihali, i cili foli për jetën dhe veprimtarinë e Donald Hoxhës.