Kurti nuk tregon nëse do të ketë takim me Hamzën: “Do të flasim në Kuvend e Qeveri për këto çështje”

Kryeministri i Kosovës, Albin Kurti, nuk ka dhënë përgjigje nëse gjatë ditës së sotme do të ketë takime të reja për çështjen e zgjedhjes së presidentit, as nëse pritet të thirret ndonjë seancë e Kuvendit, siç njofton KosovaPress.

“Flasim prej Kuvendit e Qeverisë për këto çështje”, u shpreh ai shkurtimisht para mediave, raporton KosovaPress.

Deklarata vjen pikërisht në ditën e fundit të afatit kushtetues: sipas vendimit të Gjykatës Kushtetuese, presidenti i ri duhet të zgjidhet deri sot, më 6 tetor — përndryshe Kuvendi shpërndahet dhe vendi shkon në zgjedhje të reja brenda 45 ditëve.

Takimi i mbrëmjes së djeshme mes Kurtit dhe kryetarit të PDK-së, Bedri Hamza, ndërkaq, përfundoi pa marrëveshje. PDK-ja e kushtëzon votën për presidentin me miratimin e ndryshimeve në Ligjin për Dhomat e Specializuara.