LA – Sensacioni kinez Yu Zidi, 13 vjeçe, medalje të artë në 200 metra flutur

TOKIO, 20 shtator /ATSH-AFP/ – Notarja kineze Yu Zidi, 13 vjeçe, fitoi medaljen e artë në garën 200 metra flutur në Lojërat Aziatike në Japoni, dy vjet para Lojërave Olimpike të Los Anxhelesit.

Yu, e cila do të mbushë 14 vjeçe në tetor, e përshkoi këtë garë për 2′ 05” 08”’, gati gjysmë sekonde më shpejt se koha e vendosur nga bashkëkombësja e saj Zhang Zufei (2’05”57”’) për të fituar këtë garë në Lojërat e mëparshme Aziatike tre vjet më parë në Hangzhou.

Të dielën në Tokio, ku po zhvillohen garat e notit, Yu dominoi garën, duke përfunduar 3,36 sekonda përpara bashkëkombëses së saj Chang Mohan, e cila mori medaljen e argjendtë.

Sensacioni i mrekullueshëm kinez po garon gjithashtu në garat individuale të përziera 200 metra dhe 400 metra.

Vitin e kaluar, në moshën 12-vjeçare, ajo u bë medalistja më e re në një Kampionat Botëror, duke fituar medaljen e bronztë në stafetën 4×200 metra stil i lirë./ a.jor.