13-vjeçar nga Tetova lëndohet rëndë pasi doli nga rruga me biçikletë në rrugën “114”
Aksidenti ndodhi më 6 nëntor rreth orës 09:30. I mituri u dërgua në Spitalin Klinik të Tetovës, ku u konstatuan lëndime të rënda trupore, ndërsa policia kreu këqyrje në vendin e ngjarjes.
Një 13-vjeçar nga Tetova është lënduar rëndë në një aksident trafiku, pasi biçikleta që po ngiste ka dalë jashtë rrugës. Siç njofton Sektori i Punëve të Brendshme i Tetovës, në buletinin e publikuar më 7 nëntor, aksidenti ka ndodhur në rrugën “114” në Tetovë.
Sipas njoftimit të SPB-së së Tetovës, më 6 nëntor rreth orës 09:30, biçikleta e drejtuar nga i mituri 13-vjeçar ka dalë jashtë karrigjates. Si pasojë e aksidentit, çiklisti ka pësuar lëndime të rënda trupore.
Lëndimet janë konstatuar në Spitalin Klinik të Tetovës, ku i mituri është dërguar për ndihmë mjekësore. Siç njofton SPB Tetovë, një ekip i saj ka kryer këqyrje në vendin e aksidentit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.