“Lazarati 2014”, Gate Mahmutaj kërkon gjykim të shkurtuar

Gate Mahmutaj, një nga të akuzuarit kryesorë të sulmit me armë zjarri ndaj policisë gjatë aksionit “ Lazarati 2014” në Gjirokastër, ka kërkuar gjykim të shkurtër në seancën e sotme në Gjykatën e Krimeve të Rënda.

Nëse kërkesa i pranohet, ai përfiton 1/3 e uljes së dënimit.

Mahmutaj akuzohet edhe për kultivim lëndësh narkotike cannabis sativa si dhe për armëmbajtje pa leje.

Ndërkohë është shtyrë seanca e sotme ndaj Alfred Prokos, i arrestuar pak ditë më parë si i dyshuar për pjesëmarrje në grupit që sulmoi me armë policinë në Lazarat një vit më parë. Shkak është bërë mungesa e avokatit të tij mbrojtës.