Leslie Bibb dhe Sam Rockwell shfaqen të dashuruar në tapetin e kuq të Festivalit të Venecias

Leslie Bibb dhe Sam Rockwell u dukën të dashuruar dje gjatë daljes në tapetin e kuq të Festivalit të Filmit në Venecia, për shfaqjen e filmit Wild Horse Nine, ku Rockwell ka një rol kryesor.

Siç raporton Harper’s Bazaar, ata zgjodhën pamje të koordinuara me veshje elegante të zeza: Rockwell në një kostum të zi me rever sateni, të kompletuar me një brosh argjendi dhe një këmishë të bardhë pjesërisht të hapur, ndërsa Bibb në një fustan halter të gjatë zi e blu me print floral grafik, me një çarje të lartë në një anë të kofshës të theksuar nga një rozetë. Ajo plotësoi dukjen me sandale me taka, bizhuteri diamanti dhe prerjen e saj karakteristike bob; Rockwell shtoi stilin me syze të zeza Ray-Ban.

Në tapetin e kuq çifti tregoi afeksion të hapur, duke u përqafuar, qeshur dhe duke u prekë lehtë me njëri-tjetrin; Bibb shfaqte një buzëqeshje të gjerë ndërsa Rockwell mbante dorën rreth belit të saj. Ata janë bashkë prej afërsisht 20 vjetësh: nisën lidhjen në tetor 2007 pasi u njohën në lobin e Chateau Marmont në West Hollywood, kur Rockwell po xhironte Frost/Nixon. Gjatë karrierës ata kanë bashkëpunuar në projekte të ndryshme, përfshirë Iron Man 2 (2010), Don Verdean (2015), The Dark of Night (2017) dhe së fundmi në sezonin e tretë të The White Lotus.

Sipas Harper’s Bazaar, si në ekran ashtu edhe jashtë tij ata duken një çift i përsosur.