Libani kërkon që Izraeli të tërhiqet plotësisht përpara një marrëveshjeje

Kryeministri i Libanit, Nawaf Salam, deklaroi se vendi i tij nuk mund të nënshkruajë asnjë marrëveshje që nuk përfshin një “tërheqje të plotë” të forcave

Kryeministri i Libanit, Nawaf Salam, deklaroi se vendi i tij nuk mund të nënshkruajë asnjë marrëveshje që nuk përfshin një “tërheqje të plotë” të forcave të Israel, përpara bisedimeve të planifikuara në Uashington.

Në një intervistë për The Washington Post në Paris, ku u takua me presidentin francez Emmanuel Macron, Salam kundërshtoi idenë e një zone tampon. Ai theksoi se një prani izraelite që pengon kthimin e të zhvendosurve dhe rindërtimin e zonave të shkatërruara është e papranueshme për Libanin.

Salam shtoi se Amerika mbetet aktori kyç që mund të ndikojë mbi Izraelin, duke nënvizuar rolin e Uashingtonit në arritjen e armëpushimit dhe shpresën që ky ndikim të vazhdojë edhe gjatë negociatave.

Lidhur me çarmatosjen e Hezbollah, një nga kërkesat kryesore të Izraelit dhe aleatëve perëndimorë, ai u shpreh se bëhet fjalë për një proces të gjatë dhe jo për një veprim të menjëhershëm.

“Nuk e di se çfarë mund të arrijmë përmes negociatave, por e di se çfarë duam,” përfundoi Salam.