LIDERËT E BE-së PËRSHËNDETIN PUNËN PËR MARRËVESHJEN E ANËTARËSIMIT TË MALIT TË ZI

_{Foto: Pobjeda}

Liderët e 27 vendeve anëtare të Bashkimit Evropian kanë përshëndetur punën për hartimin e marrëveshjes së anëtarësimit me Malin e Zi, duke theksuar se përparimi në negociata do të varet nga zbatimi i reformave të nevojshme.

Në përfundimet e Këshillit Evropian, u nënvizua se procesi i zgjerimit mbështetet në merita dhe në përparimin individual të secilit vend kandidat.

BE-ja e cilësoi zgjerimin si investim strategjik në paqe, siguri, stabilitet dhe prosperitet, ndërsa bëri thirrje për vazhdimin e reformave, veçanërisht në fushën e sundimit të ligjit.

Njëkohësisht, Unioni synon të përmirësojë funksionimin e brendshëm dhe të përgatitet për zgjerimin e ardhshëm.