Liga e Kampioneve për vajza, Emanuela Rusta arbitron çerekfinalen Volfsburg-Lion

Gjyqtarja ndërkombëtare Emanuela Rusta do të vendosë të martën drejtësinë në ndeshjen çerekfinale të Ligës së Kampioneve për vajza mes skuadrave të Volfsburgut (Gjermani) dhe Olimpikut të Lionit (Francë), dy prej klubeve më të njohura në futbollin e vajzave dhe pretendente për titull kampion.

Sfida mes këtyre dy skuadrave do të zhvillohet në 24 mars, në orën 18:45 në Volkswagen Arena, të Volfsburgut.

Emanuela Rusta do të ndihmohet në këtë ndeshje nga arbitrja tjetër shqiptare Mirjeta Salla dhe anglezja Nicoleta Bria që do të jenë asistentet e saj.

Si gjyqtare e katërt është caktuar rumunia Iuliana Demetrescu, ndërsa në sallën VAR do të jenë dy gjyqtarë zviceranë, Michele Schmolzer dhe Luca Cibelli.

Ndeshja e kthimit do të luhet në Groupama Stadium të Lionit më 2 prill, në orën 21:00.

Pjesëmarrja e gjyqtareve shqiptare në këtë fazën të rëndësishme të këtij kompeticioni majft të rëndësishëm tregon për nivelin e lartë dhe besimin që gëzon arbitrimi shqiptar i vajzave në arenën sportive ndërkombëtare.