Makinat ‘copash’ në rrugën Bulqizë-Klos, një i vdekur dhe katër të lënduar

Një aksident i rëndë ka ndodhur pasditen e sotme, 31 maj, në aksin rrugor Bulqizë-Klos. Siç bën me dije Policia, dy automjete janë përplasur me njëra-tjetrën e për pasojë ka humbur jetën një pasagjer (50 vjeç).

“Në aksin rrugor “Bulqizë-Klos”, në vendin e quajtur “Plani i Bardhë”, janë përfshirë në aksident rrugor dy automjete me drejtues shtetasit Xh. S., dhe S. C. Si pasojë, ka humbur jetën shtetasi H. GJ., pasagjer në automjetin që drejtohej nga shtetasit S. C”, thuhet në njoftimin zyrtar, ndërsa më poshtë mund të shihni pamjet e siguruara nga Klan News.

Ndërkohë, janë dërguar në spital dy shoferët dhe dy pasagjerë të tjerë, të cilët janë nën kujdesin e mjekëve. Grupi hetimor po punon për zbardhjen e rrethanave dhe shkakut të aksidentit.

/tvklan.al