Mbi 59 mijë kombinime për Champions-in në Itali! Po sikur 5 ekipe ta mbyllin me 71 pikë?

Të dielën të gjithë do të jenë në fushë në të njëjtën kohë për një javë të Serisë A që ka shijen romantike të së kaluarës: gara e Championsit do të jetë vërtet spaktakël, me 5 skuadra që luftojnë për 3 vende.

Dhe gjithçka është e hapur. Aq e hapur sa për 180 minutat e fundit të kampionatit ekzistojnë më shumë se 59 mijë kombinime rezultatetsh, ku secili prej tyre mund ta ndryshojë renditjen dhe verdiktin final.

Ka edhe një mundësi që të pesta skuadrat e përfshira në këtë garë, Milani, Napoli, Juventusi, Como dhe Roma, ta mbyllin kampionatin me pikë të barabarta, 71 (nëse Napoli merr vetëm një pikë ndaj Pisa-s dhe Udinese-s, Juventusi merr 3 pikë ndaj Fiorentina-s dhe Torino-s, Milani dhe Roma arrijnë një fitore dhe një barazim dhe Como i fiton të dyja ndeshjet).

Çfarë ndodh në këtë rast? Klasifikimi do t’i jepte të drejtë Milanit, Como-s dhe Napolit si vendi i dytë, i tretë dhe i katërt, pas Interit kryesues, duke lënë jashtë kupës më të rëndësishme europiane Juventusin dhe Romën.