Mbretëresha e Tajlandës kryen fluturimin e parë e vetme me avion luftarak Gripen

Mbretëresha e Tajlandës, Suthida, ka kryer fluturimin e saj të parë e vetme me një avion luftarak suedez Saab JAS 39C Gripen, duke qëndruar në ajër për 41 minuta.

Fluturimi u zhvillua të enjten, më 8 tetor, në bazën ajrore Wing 7. Mbretëresha 48-vjeçare mori kontrollin e avionit pa praninë e një piloti tjetër në bord, ndërsa bashkëshorti i saj, Mbreti Maha Vajiralongkorn, ndoqi ngritjen dhe uljen nga baza ajrore.

Sipas pallatit mbretëror, Suthida u bë pilotja e parë femër e avionit luftarak Gripen në Tajlandë.

Pas uljes së suksesshme, mbreti e priti me një buqetë me lule dhe i akordoi medaljen e nderit të Urdhrit Gripen, të cilën ia vendosi në mëngën e majtë të uniformës.

Fluturimi nuk ishte thjesht një paraqitje simbolike e mbretëreshës në kabinën e një avioni luftarak. Suthida ka përvojë të konsiderueshme në aviacion, me më shumë se 1 188 orë fluturimi në lloje të ndryshme avionësh.

Për të realizuar fluturimin e pavarur me avionin Gripen, ajo ndoqi një program të posaçëm trajnimi, sipas specifikimeve të Forcave Ajrore Mbretërore Tajlandeze.

👑✈️ Thailand’s Queen flies a Gripen fighter jet solo — making history On October 8, Queen Suthida completed her first solo flight in a Swedish-made Saab JAS 39C Gripen fighter jet. She took off from Wing 7 Air Base in Surat Thani and spent around 41 minutes in the air. Her husband, King Maha Vajiralongkorn, watched the flight. After landing, the king welcomed his wife with a bouquet of flowers and presented her with a special Gripen Order Golden Patch. And this wasn’t just a flight for the cameras. The queen has logged more than 1,188 flight hours. Before flying solo, she completed theoretical training, simulator sessions, and over 10 hours of flight training in a two-seat Gripen.