Mbytet një peshkatar në Velipojë

Një peshkatar është mbytur sot paradite në grykëderdhjen e lumit Buna, në Velipojë. Viktima quhet Altin Lleshi, 34 vjeç, nga fshati Pulaj i Velipojës.

Mësohet se 34-vjeçari kishte hyrë në det për të nxjerrë rrjetat e peshkut, por dallgët dhe era e fortë që e kanë zënë në det i kanë përmbysur varkën, duke i shkaktuar vdekjen.

Për momentin ende nuk është gjetur trupi viktimës, ndërkohë që policia po bën kontrolle në vendin e ngjarjes.