Më 26 shtator, protestë në Mulhouse të Francës – kërkohet drejtësi për ish-krerët e UÇK-së

Një protestë në mbështetje të ish-krerëve të Ushtrisë Çlirimtare të Kosovës është paralajmëruar të mbahet më 26 shtator në qytetin Mulhouse të Francës.

Sipas njoftimit protesta do të zhvillohet në Place du Général de Gaulle, duke filluar nga ora 17:00.

Protesta është organizuar në mbështetje të katër ish-udhëheqësve të UÇK-së, të cilët u dënuan me 81 vjet burgim nga Dhomat e Specializuara të Kosovës në Hagë.

Në thirrjen për protestë thuhet se qëllimi është kërkesa për “drejtësi dhe respektim të të drejtave të tyre”.

Organizatorët u kanë bërë thirrje qytetarëve që të marrin pjesë në tubim, duke e cilësuar atë si një protestë paqësore.

“Një zë, një drejtësi, një ideal”, thuhet në njoftim. /Telegrafi/