Më shumë se 700 investitorë të interesuar në pronat shtetërore në Kroaci
Villa Kremešek në Primorje-Gorski Kotar County, së bashku me Villa Lovor dhe Villa Toplice, Villa Izvor në Lika-Senj County dhe Villa Bianca në Split-Dalmatia janë vetëm disa nga pronat më të kërkuara në mesin e pronave për të cilat investitorët kanë shprehur interesin e tyre në Projekti 100 i cili ka filluar vitin e kaluar, raporton Vecernji List më 21 shkurt, 2016.
Për 100 projektet ka 720 investitorë potencialë të interesuar, por për disa nga pronat më tërheqëse janë siguruar më shumë se 30 oferta. Zyra për Menaxhimin e Pronës Shtetërore (DUUDI) ka përfshirë në listë rreth njëqind ndërtesa të lëna pas dore në pronësi të shtetit dhe parcela toke. Disa nga marrëveshjet janë shumë afër përfundimit, përfshirë Muzil pranë Pula, por ka edhe nga ato të cilat janë ndalur për shkak të çështjeve të pazgjidhura pronësore ose problemeve me dokumentet e planifikimit. Qeveria e re e kryeministrit Tihomir Orešković do të duhet të gjejë mënyrën për të përshpejtuar shitjen e planifikuar të pronave të neglizhuara shtetërore.
