Mediat angleze shkruajnë për bukuroshen e Xhakës

Mediat angleze nuk po ndalen së shkruari për transferimin e ri të Arsenalit, Granit Xhakën. Kësaj radhe në pyetje nuk është shuma e transferimit, as specialitetet e tij si lojtar, por është e fejuara e mesfushorit kosovar.

Mesfushori shqiptar, Granit Xhaka, është shndërruar në temën kryesor tek mediat britanike pas transferimit te Arsenali.

Mediat britanike nuk po ndalen së shkruari për Xhakën, kësaj radhe bëhet fjalë për të fejuarën e tij, Leonita Lekaj.

“Fansat e Arsenalit do të presin një fytyrë të re në Emirates sezonin e ardhshëm – jo, jo transferin e ri Granit Xhakën, por të fejuarën e tij të mrekullueshme Leonita Lekaj”, nis artikulli i tabloidit anglez “The Sun”.

“The Sun” shkruan se Xhaka me vete në Londër do të marrë edhe bukuroshen e tij 24-vjeçare. Ky medium i njohur britanik ka dhënë edhe detaje të tjera nga kjo lidhje për fansat e klubit londinez.

Çifti është fejuar në prillin e kaluar. Bukuroshja Lekaj është me prejardhje nga Kosova, siç është edhe lojtari, shkruan kjo gazetë. Leonita flet gjuhën angleze, gjermane dhe shqipe.

Xhaka u zyrtarizua dje si transferi i parë i Arsenalit për këtë verë.