“Melania një vejushë e ardhshme”, Shtëpia e Bardhë thirrje ABC-së të pushojë nga puna komedianin

Prezantuesi i një emisioni të vonë nate, Jimmy Kimmel, ka mbrojtur një shaka në të cilën e quajti Melania Trump një "vejushë të ardhshme", vetëm disa ditë

Zonja e parë e përshkroi skeçin e Kimmel, i cili u transmetua të enjten e kaluar, si “të urryer dhe të dhunshëm”, dhe Shtëpia e Bardhë i bëri thirrje rrjetit të tij televiziv ABC që ta shkarkojë komedianin.

Kimmel tha se shakaja origjinale ishte një “shaka e butë” në lidhje me diferencën prej 23 vitesh në moshë midis presidentit dhe gruas së tij.

“Zonja jonë e parë Melania është këtu. Shikoni Melanian, sa e bukur. Znj. Trump, keni shkëlqimin e një vejushe të ardhshme”, tha Kimmel gjatë një skeçi të enjten në mbrëmje.

Në monologun e tij të parë në Jimmy Kimmel Live! pas të shtënave, komediani tha se shakaja ishte “një shaka shumë e butë për faktin se ai (Presidenti Trump) është pothuajse 80 vjeç dhe ajo është më e re se unë”.

“Nuk ishte sipas asnjë përkufizimi një thirrje për vrasje, dhe ata e dinë këtë. Unë kam qenë shumë i zëshëm në dënimin ndaj dhunës me armë për vite me radhë”, shtoi ai.

“Pajtohem që gjuha e urrejtjes dhe dhuna duhet të refuzohen, dhe një fillim i mirë për ta zvogëluar atë është të flasësh me bashkëshortin/en tënd për këtë”, tha komediani.

Të hënën, Melania shkroi në një postim në Network X se “njerëz si Kimmel nuk duhet të kenë mundësinë të vijnë në shtëpitë tona çdo natë dhe të përhapin urrejtje”.

“Monologu i tij për familjen time nuk është komedi – fjalët e tij janë helmuese dhe e thellojnë sëmundjen politike në Amerikë … Sa herë do ta lejojë menaxhmenti i ABC-së sjelljen e papranueshme të Kimmel në kurriz të komunitetit tonë?”