Meta në Pejë: Investime pejane në bujqësi në Shqipëri

Kreu i Kuvendit Ilir Meta ka nisur një vizitë në Kosovë, ku është ndalur fillimisht në Pejë.
Z. Meta është takuar me kreun e komunës së Pejës, Gazmend Muhaxheri, ku është vënë theksi në shtimin e investimeve pejane në vend dhe anasjelltas.
“Pejanët janë sipërmarrës të shkëlqyer. Të shtojmë shkëmbimet. Do nxisim pejanët të investojnë në Shqipëri në bujqësi”, është shprehur kreu i Kuvendit, Meta.
Sipas mediave kosovare, kryeparlamenti shqiptar më pas do të udhëtojë drejt Prishtinës ku do të ketë takime në Kuvendin e Kosovës.