Ministrja Felaj: Buxheti i shtetit 2015, së shpejti në Kuvend

Qeveria pritet të depozitojë së shpejti në Kuvend buxhetin e shtetit të vitit 2015, i shoqëruar nga paketa fiskale. Kjo u bë e ditur sot nga ministrja e Shtetit për Marrëdhëniet me Parlamentin, Ermonela Felaj, gjatë mbledhjes së Konferencës së Kryetarëve.
E mbledhur mesditën e sotme nën drejtimin e kryetarit të Kuvendit, Ilir Meta, dhe me praninë e ministres Felaj e të kryetarëve të grupeve parlamentare, Konferenca miratoi kalendarin trejavor të punimeve parlamentare për periudhën 31 tetor-21 nëntor.