Miqtë e Jennifer Aniston të shqetësuar për romancën e saj: “Nuk i besojnë plotësisht”

Romanca e Jennifer Aniston me Jim Curtis duket se nuk po pritet me të njëjtin entuziazëm nga të gjithë miqtë e saj të afërt.

Sipas një burimi të Page Six, disa prej miqve më të ngushtë të aktores kanë ende rezerva për 50-vjeçarin, i cili është hipnoterapist dhe trajner transformimi.

“Disa nga miqtë e Jen nuk janë ende plotësisht të bindur për Jim-in. Ata shqetësohen se ai mund të jetë oportunist dhe mendojnë se ndonjëherë mund të duket paksa i sforcuar”, tha burimi.

Aniston, 57 vjeçe, dhe Curtis u përfolën për herë të parë si çift në korrik 2025, pasi u fotografuan së bashku gjatë një pushimi intim në ishullin spanjoll të Mallorca-s.

Sipas burimit, miqtë e aktores janë shumë mbrojtës ndaj saj dhe duan vetëm ta shohin të lumtur.

“Të gjithë e adhurojnë Jen dhe duan më të mirën për të, sepse ajo e meriton botën. Në fund të fundit, nëse ajo është e lumtur, sigurisht që edhe ata janë të lumtur për të, por janë gjithashtu shumë mbrojtës dhe nuk duan që ajo të shfrytëzohet”, tha burimi.

Disa prej tyre, sipas tij, “e kanë ende të vështirë t’i besojnë plotësisht” Curtis.Megjithatë, duket se mendimet brenda rrethit të ngushtë të Aniston janë të ndara.

Një tjetër burim tha se disa nga miqtë e saj e kanë mirëpritur Curtis-in dhe mendojnë se ai përshtatet shumë mirë me grupin e tyre.

“Të tjerë e adhurojnë absolutisht Jim-in dhe mendojnë se ai përshtatet në mënyrë të përkryer me rrethin e tyre të miqve”, tha burimi.

Ata gjithashtu besojnë se Aniston nuk ka qenë kaq e lumtur prej kohësh dhe se ajo dhe Curtis plotësojnë njëri-tjetrin në shumë aspekte.

Ndërkohë, lidhja e Aniston dhe Curtis po bëhet gjithnjë e më publike. Të mërkurën, aktorja iu bashkua partnerit të saj në skenën e 92nd Street Y në New York, ku e intervistoi për librin e tij të ri, “The Book of Possibility”.