Miss Universe Albania dhe Kosova 2026

Jorgesa Beqiri dhe Evisa Pacolli janë fitueset e spektaklit magjik Miss Universe Albania dhe Kosova për vitin 2026. Për herë të parë u dha edhe çmimi i Miss Universe Mali i Zi, kurorën e së cilës e fitoi Maria Aleksanda Ivezaj.

Dy çmime të tjera u dhanë për Miss Turizmi Kosova dhe Miss Turizmi Kosova.

Spektakli magjik u transmetua live në televizionin Klan dhe u moderua nga Deta Kokomani, Edisa Demollari, Albert Dumani dhe Teni Vllaçaj.

Në këtë spektakël nuk munguan surprizat e shumta, ku në skenë u ngjitën këngëtarë të njohur të muzikës shqiptare, si dhe miset që kishin fituar këtë çmim dekada më parë, si Elida Gjeçi dhe Sidorela Kola, dhe që u vlerësuan me çmimin “Misi i Miseve”.

Vajzat fituese do të përfaqësojnë bukurinë shqiptare në Miss Universe në SHBA dhe në Porto Riko në nëntor dhe në Miss Turizmi, që do të zhvillohet në gusht në Pekin.

Tv Klan

/tvklan.al