Mit’hat Tola, në krye të Policisë së Qarkullimit Tiranë

Mit’hat Tola do të drejtojë Policinë e Qarkullimit të Tiranës. Emërimi i Tolës në këtë detyrë është firmosur sot nga kreu i Policisë së Shtetit, Artan Didi. Tola ishte komanduar në këtë detyrë prej disa javësh, pasi ishte me detyrë më parë në Drejtorinë e Qarkullimit, në Drejtorinë e Përgjithshme të Policisë.

Ai zëvendësoi Dritan Bonën, i cili u largua nga kjo detyrë pas një auditimi të Drejtorisë së Standardeve, e cila ndëshkoi 22 drejtues dhe policë të qarkullimit në kryeqytet, për shkelje të detyrës.