Moment dramatik, shpërthimi në New York City rrëzon efektivët dhe shemb banesën

Një shpërthim i fuqishëm ka ndodhur në një banesë në lagjen Queens, në New York, duke plagosur tetë efektivë të policisë dhe duke shkaktuar shembjen e

Një shpërthim i fuqishëm ka ndodhur në një banesë në lagjen Queens, në New York, duke plagosur tetë efektivë të policisë dhe duke shkaktuar shembjen e godinës.

Ngjarja ndodhi në momentin kur oficerët e Departmentit të policisë së New York-ut iu përgjigjën një telefonate për një person të armatosur me thikë, i cili dyshohej se mbante erë benzine.

Sipas raportimeve, shpërthimi ndodhi sapo një nga oficerët hapi derën e shtëpisë, siç është fiksuar edhe nga kamerat e vendosura në uniformat e policëve. Vala e fortë e goditjes i hodhi efektivët në tokë, ndërsa godina u shemb pothuajse plotësisht.

Si pasojë, tetë policë pësuan lëndime të lehta, kryesisht djegie dhe dëmtime në kokë. Në video dëgjohet një prej tyre duke thirrur: “Jeni mirë djema?”, ndërsa kolegët përpiqen të dalin nga rrënojat.

Pamjet tregojnë gjithashtu momentin kur një oficer ndihmon dy fëmijë të vegjël të dalin nga banesa, ndërsa të tjerë largohen të tronditur nga vendi i ngjarjes.

Autoritetet theksuan se situata mund të kishte qenë shumë më e rëndë. “Dua të jem i qartë: sot ishim shumë me fat”, deklaroi zëvendësshefi i policisë së New York-ut.

Përveç shembjes së shtëpisë ku ndodhi shpërthimi, dëme janë raportuar edhe në banesat përreth, ndërsa hetimet për shkaqet e incidentit vijojnë.