Moska refuzon armëpushimin, Lavrov: Rusia nuk do t’i ndalë luftimet

Rusia “nuk do të ndalojë” luftën me Ukrainën, përsëriti këtë të mërkurë Ministri i Jashtëm rus Sergei Lavrov , një ditë pasi “moratoriumi” mbi sulmet ndaj infrastrukturës energjetike u përmend të martën nga presidentët e Shteteve të Bashkuara dhe Ukrainës.

“Ne nuk do të ndalojmë operacionin tonë të posaçëm ushtarak, siç e quan Moska luftën”, tha Lavrov në një fjalim para Këshillit të Sigurimit të Kombeve të Bashkuara.

“Evropa dëshiron një ndalesë në mënyrë që ta përdorë atë për të furnizuar me armë” Ukrainën, argumentoi ai.

Dje, Presidenti ukrainas Volodymyr Zelensky tha se ishte “gati” të shpallte një moratorium për sulmet ndaj objektivave energjetikë nëse Rusia do të bënte të njëjtën gjë. Presidenti i SHBA-së Donald Trump, në fjalimin e tij në Asamblenë e Përgjithshme të OKB-së, siguroi se një marrëveshje midis Ukrainës dhe Rusisë do të arrihej “më shpejt nga sa disa besojnë”.