Muaj mjalti në Palermo për Dua Lipën dhe Callum Turner

Palermo është kthyer sërish në qendër të vëmendjes së elitës botërore dhe mediave rozë. Ylli i muzikës pop, Dua Lipa dhe aktori britanik Callum Turner, sipas italiane “La Sicilia”, po kalojnë muajin e mjaltit në qytetin italian.

Çifti ka mbërritur në ishull me një avion privat nga Londra, ku thuhet se kanë kurorëzuar dashurinë e tyre në një ceremoni krejtësisht sekrete.

Mediat thonë se ata po qëndrojnë në “Grand Hotel Villa Igiea”, një rezidencë historike e stilit Liberty. Masat e sigurisë janë mjaft të rrepta, ndërsa ditën e parë çifti e ka kaluar në privatësi të plotë.

Por pushimet e tyre nuk do të jenë vetëm kaq. Ditët në vijim pritet të ndizen nga festat private në dy nga vendet më prestigjioze të zonës, ku flitet se do të ketë të ftuar të tjerë të famshëm të showbiz-it.

Atmosfera përrallore i shtohet edhe jahti luksoz 90 metra i pagëzuar me emrin “Nero”, i ankoruar në portin e Palermos, që do të përdoret për festimet e çiftit në det.

Klan News

/tvklan.al