☁️
Tiranë 17°C · Vranët 17 Nëntor 2026
S&P 500 7,387 ▼0.41%
DOW 51,243 ▼0.71%
NASDAQ 24,424 ▼0.35%
NAFTA 86.90 ▲1.38%
ARI 3,859 ▲0.16%
💱 VALUTAT
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
₿ CRYPTO
BTC $64,606 ▲ +0.7% ETH $1,799 ▼ -0.47% XRP $0.9655 ▲ +2.29% SOL $73.1800 ▲ +4.39%
S&P 500 7,387 ▼0.41 % DOW 51,243 ▼0.71 % NASDAQ 24,424 ▼0.35 % NAFTA 86.90 ▲1.38 % ARI 3,859 ▲0.16 % S&P 500 7,387 ▼0.41 % DOW 51,243 ▼0.71 % NASDAQ 24,424 ▼0.35 % NAFTA 86.90 ▲1.38 % ARI 3,859 ▲0.16 %
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
17 Nën 2026
Breaking
Kosova

Muzikanti slloven Hatlak kërkon falje për këngën kundër Kosovës në Bruksel, thotë se nuk e dinte domethënien e saj

Muzikanti dhe fizarmonicisti i njohur slloven, Marko Hatlak, ka kërkuar falje për përzgjedhjen dhe interpretimin e këngës “Oj Kosovo, Kosovo”, e cila përmban pretendime territoriale serbe ndaj Kosovës, gjatë ceremonisë hapëse të Forumit të Zgjerimit të Bashkimit Evropian 2026 në Bruksel.

Hatlak, i cili ishte përgjegjës për përgatitjen e programit muzikor të aktivitetit në emër të Komisionit Evropian, ka thënë se përzgjedhja e kësaj kënge ishte e paqëllimshme dhe se nuk ishte në dijeni të kontekstit historik dhe politik të saj.

Në një reagim publik, muzikanti slloven ka shpjeguar se për të përgatitur programin muzikor, ishte ngarkuar të përzgjidhte dhjetë këngë, nga një për secilin vend pjesëmarrës në forum, dhe t’i dorëzonte për miratim te organizatorët.

Ai ka thënë se gjatë kërkimit në Google për një këngë tradicionale nga Kosova, kishte hasur në këngën “Oj Kosovo, Kosovo”, e cila në platformën e kërkimit ishte përshkruar si këngë patriotike.

“Unë e përzgjodha atë nga këndvështrimi i një muzikanti, pra duke u bazuar në harmoninë, ritmin dhe tingullin e saj”, ka shpjeguar Hatlak.

Ai ka thënë se kishte pasur vetëm një javë kohë për përgatitjen dhe interpretimin e programit, ndërsa për shkak të afatit të shkurtër nuk kishte arritur të gjente informacione të tjera për prejardhjen dhe domethënien e këngës.

Sipas tij, edhe gjatë shqyrtimit të programit nga organizatorët e ngjarjes, askush nuk e kishte vënë në pah natyrën problematike të përzgjedhjes.

“U kërkoj sinqerisht falje të gjithë atyre që janë prekur nga kjo ngjarje”, ka deklaruar muzikanti slloven.

Hatlak ka bërë të ditur se kërkimfaljen ua ka dërguar drejtpërdrejt edhe ambasadorit të Kosovës në Slloveni, Valdet Sadiku, ambasadorit të Kosovës në Belgjikë, Agron Bajrami, kryenegociatorit për Integrimin Evropian, Jeton Zulfaj, si dhe komisioneres evropiane për Zgjerim, Marta Kos.

Ai ka theksuar se nuk kishte pasur qëllim të ofendonte askënd dhe se nuk do ta kishte interpretuar këngën po ta kishte ditur kontekstin e saj.

“Dua të theksoj se, po ta kisha ditur kontekstin dhe domethënien e saj, sigurisht që nuk do ta kisha interpretuar. Gjatë gjithë karrierës sime, jam përpjekur që përmes muzikës t’u sjell njerëzve vetëm gëzim dhe paqe të brendshme. Nuk ka qenë kurrë qëllimi im të fyej askënd”, ka shkruar ai.

Në fund, Hatlak ka shprehur keqardhje për situatën e krijuar, duke shpresuar që kërkimfalja e tij e sinqertë të pranohet.

Interpretimi i këngës “Oj Kosovo, Kosovo” në hapjen e Forumit të Zgjerimit të BE-së në Bruksel kishte nxitur reagime të shumta, pasi kënga shoqërohet me pretendime nacionaliste serbe ndaj Kosovës, në një aktivitet të organizuar në kuadër të diskutimeve për zgjerimin dhe vlerat evropiane./Telegrafi.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.