Natë “ferri” në Krujë/ Shuhen vatrat e fundit, çfarë la pas zjarri masiv (VIDEO)

Pas një nate të gjatë përballë flakëve, në Krujë janë shuar vatrat e fundit të zjarrit që përfshiu zonën me përmasa të mëdha dhe avancoi me shpejtësi drejt banesave.

Pamjet nga terreni tregojnë pasojat e zjarrit masiv, me pemë të djegura, hi dhe sipërfaqe të tëra toke të shkrumbuara.

Pavarësisht përhapjes së shpejtë të flakëve dhe afrimit të tyre me banesat, shtëpitë arritën t’i shpëtonin zjarrit, ndërsa nuk raportohet për dëme në zonat e banuara.

Forcat zjarrfikëse dhe strukturat e emergjencave u përballën me flakët gjatë gjithë natës, duke ndërhyrë për izolimin dhe shuarjen e vatrave.

Tashmë situata është nën kontroll, ndërsa vijon monitorimi i zonës për të parandaluar riaktivizimin e vatrave të zjarrit.

Ende nuk ka një bilanc përfundimtar mbi sipërfaqen e përfshirë nga flakët dhe dëmet e shkaktuara në territor.