NATO dhe BE marrëveshje bashkëpunimi për mbrojtjen kibernetike

NATO dhe Bashkimi Evropian kanë nënshkruar një marrëveshje bashkëpunimi për të përmirësuar mbrojtjen kibernetike, të cilën sekretari i Përgjithshëm i NATO-s, Jens Stoltenberg, e quajti shembull konkret të bashkimit të forcave nga dy organizatat me seli në Bruksel për t’ju kundërvënë formave moderne të luftës hibride.

“Marrëveshja teknike e nënshkruar në selinë e NATO-s të mërkurën, formon një kornizë për përgjigje të shpejtë nga ana e ekipeve të NATO-s dhe BE-së, ndërsa në bazë të saj shkëmbehen përvojat më të mira” deklaroi Stoltenberg.

Që nga viti 2014, më konkretisht pas aneksimit të Krimesë nga ana e Rusisë, NATO dhe BE të cilat bashkë përfshijnë 22 shtete, kanë rritur bashkëpunimin në fusha të ndryshme që kanë të bëjnë me mbrojtjen.

Në një deklaratë Bashkimi Evropian tha se marrëveshja e re do të lehtësojë shkëmbimin e informacioneve në mënyrë që të përmirësohet parandalimi i incidenteve kibernetike, të zbulohen dhe të reagohet më shpejt nga BE dhe NATO.