Në qeli prej 2024-ës, lihet në burg ish-presidenti Meta

GJKKO ka rrëzuar sot në 15 shtator kërkesën e ish-presidentit Ilir Meta për lirimin nga qelia.

Meta prej thuajse dy vitesh kërkon lirinë, mirëpo asnjë nga kërkesat e tij nuk është pranuar, ndërsa beteja e tij për lirim nga burgu pritet të vazhdojë.

Gjatë ditës së djeshme, Meta fitoi një betejë gjyqësore, teksa Gjykata e Posaçme e Apelit pranoi kërkesën e tij të vazhdueshme për të mos qëndruar në kafaz, gjatë seancës gjyqësore.

Kujtojmë se Meta akuzohet për tre vepra penale, të cilat iu komunikuan më 4 gusht 2025, sa i përket dosjes CEZ/DIA dhe lobimit në SHBA.

Ai akuzohet për fshehje pasurie, pastrim parash dhe korrupsion dhe ndodhet në paraburgim që prej tetorit 2024-ës.

Arrestimi i tij ishte mjaft i bujshëm, pasi ai u vu në pranga nga agjentët e Byrosë Kombëtare të Hetimit, teksa po shkonte me makinën e tij në selinë e partisë.