Në rast se nuk arrihet Anthony Gordon, plani B i Bayern është ylli i Serie A. Dështoi te Milan…

Tashmë dihet që objektivi kryesor i Bayern për merkaton e verës është Anthony Gordon. Mediet gjermane bëjnë em dije se bavarezët janë të gatshëm të ofrojnë deri në 70 milionë euro për Gordon, por pretendimet e Newcasle shkojnë mbi 90 milionë euro.

Në rast se nuk arrihet Gordon, Bayern ka një plan B: Charles De Ketelaere. Belgu këtë sezon ka kontribuar me 5 gola dhe 7 asiste tek Atalanta dhe duket se është plotësisht gati për hapin e madh në karrierë.

Kur ishte 21 vjeç, De Ketelaere u transferua nga Club Brugge te Milan për 38 milionë euro, por te kuqezinjtë nuk u ambientua dot, u huazua tek Atalanta dhe më pas u shit përfundimisht po aty për 23 milionë euro.

Gjithsesi, opsioni i parë për Bayern është Gordon, por De Ketelaere është një alternativë që duhet vlerësuar. Belgu ka një vlerë në treg rreth 35 milionë euro.