“Në stilin e Luis Suarez”, mediat irlandeze komentojnë kartonin e kuq të Kreshnik Hajrizit
Kartoni i kuq i Kreshnik Hajrizit, që e largoi topin me dorë nga vija e portës në Dublin, u krahasua nga mediat irlandeze me gjestin e famshëm të Luis Suarezit ndaj Ganës në vitin 2010.
Siç njofton Telegrafi, mediat në Irlandë e krahasuan kartonin e kuq të Kreshnik Hajrizit me atë të Luis Suarezit ndaj Ganës në Kupën e Botës 2010. Hajrizi, lojtar i Sionit, e preku topin me dorë për ta larguar nga vija e portës, ndërsa gjyqtari akordoi penallti dhe e përjashtoi nga loja.
Nga pika e bardhë i saktë ishte Troy Parrott, i cili i dha epërsinë Irlandës. Momenti e la Kosovën me një lojtar më pak në një ndeshje ku asaj i duhej rezultati, dhe reagimi i mediave irlandeze u përqendrua pikërisht te gjesti i mbrojtësit në vijën e portës.
“Irish Times” shkroi se Hajrizi e goditi topin nga vija kur goli ishte i sigurt, “në stilin e Luis Suarez”. “RTE” raportoi se ishte vendim i lehtë për gjyqtarin: goditja e Parrott e dërgoi topin thuajse në portë para se Hajrizi ta nxirrte dorën dhe të bënte një pritje fantastike, por “problemi është që ai nuk është portier”. Ndërsa “Irish Examiner” shtoi se Hajrizi lëvizi si mace dhe e ngriti kthetrën e majtë për ta larguar topin.
Pas këtij momenti Kosovës i duhet një punë e madhe për ta marrë së paku barazimin që i nevojitet ndaj Irlandës.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.