Kosova me një më pak, Irlanda e mbyll me epërsi pjesën e parë
Dardanët e nisën mirë ndeshjen në Dublin, por kartoni i kuq i Kreshnik Hajrizit dhe penalltia e Troy Parrott në minutën e 28-të e lënë Kosovën në disavantazh 0-1 dhe me një lojtar më pak pas pjesës së parë.
Kosova e nisi mirë ndeshjen e Ligës së Kombeve në Dublin, siç njofton Telegrafi, dhe Lindon Emërllahu rrezikoi herët, duke qenë afër një goli të bukur nga distanca.
Megjithatë, rrjedha e pjesës së parë ndryshoi kur Kreshnik Hajrizi e preku topin me dorë duke e larguar nga vija e portës. Gjyqtari e ndëshkoi direkt me karton të kuq, ndërsa Irlanda fitoi penallti.
Nga pika e bardhë, Troy Parrott shënoi në minutën e 28-të, duke e mbyllur pjesën e parë në epërsi 1-0 për Irlandën.
Kosova, me një lojtar më pak, do të provojë të reagojë në pjesën e dytë.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.